நோய்களை தடுக்கும் ஆறு விதமான பழங்களும் அதன் சத்துக்களும்.. நீங்க சாப்பிடறீங்களா? நோய்களை தடுக எந்த மாதிரியான பழங்களை எடுத்துக் கொள்ளலாம் என்பதை பார்ப்போம்.

பழங்களும் அதன் சத்துக்களும்

    பழங்களில் அத்தியாவசிய வைட்டமின்கள் மற்றும் தாதுக்கள் காணப்படுகிறது. இதில் பிளவனாய்டுகள் அதிகளவில் உள்ளது. பழங்கள் மற்றும் காய்கறிகளை அதிகளவில் உட்கொள்வது இதய நோய், புற்றுநோய், வீக்கம் மற்றும் நீரிழிவு நோயை தடுக்க உதவுகிறது. 2014 ஆம் ஆண்டு ஆய்வின் படி பழங்களை சாப்பிடுவது நோயை தள்ளி வைக்க உதவுகிறது என்று ஆய்வுகள் தெரிவிக்கின்றன. சிட்ரஸ் வகை பழங்கள் புற்றுநோய் எதிர்ப்பு மற்றும் நீரிழிவு எதிர்ப்பு பண்புகளைக் கொண்டுள்ளது. அந்த வகையில் எந்த மாதிரியான பழங்களை எடுத்துக் கொள்ளலாம் என்பதை பார்ப்போம்.

உடல் நலத்திற்கு நன்மை தரும் எலுமிச்சை பழம் :

    எலுமிச்சை பழத்தில் உடல் நலத்திற்கு தேவையான பைட்டோ கெமிக்கல்கள் காணப்படுகிறது. இதில் வைட்டமின் சி, போலிக் அமிலம், பொட்டாசியம், பெக்டின், கலோரிகள், கால்சியம், நார்ச்சத்துக்கள் போன்ற சத்துக்கள் காணப்படுகிறது. எலுமிச்சையில் தயமின், ரிபோஃப்ளவின், நியாசின், வைட்டமின் பி6, ஃபோலேட் மற்றும் வைட்டமின் ஏ காணப்படுகிறது.

எப்படி சேர்க்கலாம்.

    எலுமிச்சையை உணவில் சேர்க்கலாம். அவ்வபோது வெதுவெதுப்பான நீரில் எலுமிச்சை சாற்றை தேனுடன் கலந்து சாப்பிட்டு வரலாம். இது தொண்டைப் புண்ணை ஆற்றவும் பயன்படுகிறது. சாதாரணமாகவே உடலில் நச்சு நீக்க எலுமிச்சையை தண்ணீரில் சேர்த்து குடித்து வரலாம்.

உடல் நலத்திற்கு நன்மை தரும் ஸ்ட்ராபெர்ரி

    ஸ்ட்ராபெர்ரி அதிக நீர்ச்சத்து கொண்ட ஜூஸ் நிறைந்த பழமாகும். இதில் நார்ச்சத்துக்கள் அதிகளவில் காணப்படுகிறது. இதில் ஆரோக்கியமான வைட்டமின்கள் மற்றும் தாதுக்கள் காணப்படுகிறது. இது இதய ஆரோக் கியத்தை அதிகரிக்கவும், பிளவனாய்டுகள், ஆந்தோசயின்கள் போன்றவையும் உள்ளன.

    இதிலுள்ள பொட்டாசியம் இதய ஆரோக்கியத்தை மேம்படுத்த உதவுகிறது. ஸ்ட்ராபெர்ரி மற்றும் ப்ளூபெர்ரி உண்ணும் பெண்களுக்கு மாரடைப்பு அபாயம் குறைகிறது. ஸ்ட்ராபெர்ரியில் கலோரிகள், கார்போஹைட்ரேட்டுகள், நார்ச் சத்துக்கள், கால்சியம், மக்னீசியம், பொட்டாசியம், வைட்டமின்கள், தயமின், ரிபோஃப்ளவின், நியாசின், ஃபோலேட், வைட்டமின் பி6, ஏ மற்றும் கே ஆகியவை உள்ளன.

    தினம் ஒரு கப் அப்படியே சாப்பிடலாம். இதை பச்சையாகவோ அல்லது தானியங்கள் அல்லது தயிரை சேர்த்து பயன்படுத்தி வரலாம். ஸ்மூத்தியாகவும் தயாரித்து குடிக்கலாம்.

உடல் நலத்திற்கு நன்மை தரும் ஆரஞ்சு பழங்கள்

    ஒரு நடுத்தர ஆரஞ்சு பழம் ஒரு நபரின் வைட்டமின் சி தேவையை 17% பூர்த்தி செய்கிறது. வைட்டமின் சி சக்தி வாய்ந்த ஆன்டி ஆக்ஸிடன்களாக செயல்படுகிறது. இது இரும்புச் சத்தை உறிஞ்சுவதற்கும், நோயெதிர்ப்பு சக்தி செயல்பாட்டிற்கும் உதவுகிறது. பெருங்குடலை ஆரோக்கியமாக வைக்கும் நார்ச்சத்துக்கள் இதில் காணப்படுகிறது. இனப்பெருக்க உறுப்புகளை ஆரோக்கியமாக வைக்கவும், இரத்த சிவப்பணுக்களை உருவாக்கவும் உதவுகிறது.

    இதை அப்படியே தோலுரித்து சாப்பிடலாம். மக்கள் சாலட் அல்லது ஜூஸாக குடித்து வரலாம். அப்படியே சாப்பிட்டு வந்தால் நார்ச்சத்து குறையாமல் பெறலாம்.

உடல் நலத்திற்கு நன்மை தரும் திராட்சை பழங்கள்

    திராட்சை பழங்களில் ஃப்ளவனாய்டுகள் உள்ளன. இது புற்றுநோய்கள், வீக்கம் மற்றும் உடல் பருமனுக்கு எதிராக செயல்படுகிறது. திராட்சை பழங்களில் கலோரிகள், கார்போஹைட்ரேட்டுகள், நார்ச்சத்துக்கள், கால்சியம், மக்னீசியம், பொட்டாசியம், வைட்டமின் சி போன்ற சத்துக்கள் காணப்படுகிறது.

    திராட்சைப்பழங்களில் காணப்படும் ஃபுரானோகுமரின்கள் எனப்படும் சேர்மங்கள் ஆக்ஸிஜனேற்ற அழுத்தம் மற்றும் புற்றுநோய் கட்டிகளுக்கு எதிராகப் செயல்படுவதோடு ஆரோக்கியமான எலும்புகளுக்கும் துணைபுரிகிறது. மார்பக புற்றுநோய், தோல் புற்றுநோய், லுகேமியா போன்ற புற்றுநோயை தடுக்க உதவுகிறது.

    இதை தினம் அல்லது வாரத்தில் மூன்று நாட்கள் ஒரு கப் சாப்பிடலாம். சாலட்டில் சேர்த்து வரலாம் அல்லது ஜூஸாக சாப்பிட்டு வரலாம் அல்லது அப்படியே வேண்டுமானாலும் சாப்பிடலாம்.

​உடல் நலத்திற்கு நன்மை தரும் கொலுமிச்சை

    கொலுமிச்சை என்பது புளிப்பு சுவை நிறைந்த சிட்ரஸ் பழமாகும். இதில் பாக்டீரியா எதிர்ப்பு மற்றும் ஆன்டி ஆக்ஸிடன்கள் காணப்படுகிறது. இதில் கார்போஹைட்ரேட்டுகள், கால்சியம், மக்னீசியம், பொட்டாசியம் மற்றும் வைட்டமின் சி காணப்படுகிறது. இதை ஜூஸாகவோ அல்லது உணவுகளில் சுவையூட்டியாகவோ பயன்படுத்தி வரலாம்.

உடல் நலத்திற்கு நன்மை தரும் ப்ளாக்பெர்ரி

    ப்ளாக்பெர்ரியில் ஆரோக்கியத்தை அதிகரிக்கும் ஆந்தோசயின்கள் உள்ளன. பிளாக்பெர்ரியில் அதிகளவு நார்ச்சத்துக்கள் காணப்படுகிறது. இது குடல் ஆரோக்கியத்தையும், இதய ஆரோக்கியத்தையும் மேம்படுத்த உதவுகிறது.

    பிளாக்பெர்ரியில் கலோரிகள், கார்போஹைட்ரேட்டுகள், நார்ச்சத்துக்கள், கால்சியம், மக்னீசியம், பொட்டாசியம், வைட்டமின் சி போன்ற சத்துக்கள் காணப்படுகிறது. ப்ளாக்பெர்ரியை அப்படியே சாப்பிடலாம் அல்லது ஸ்மூத்திகளில் சேர்த்து சாப்பிட்டு வரலாம். இந்த பட்டியலில் இன்னும் பல பழங்கள் உண்டு. அதை தொடர்ந்து பார்க்கலாம்.

######################################################

"This Content Sponsored by Buymote Shopping app

BuyMote E-Shopping Application is One of the Online Shopping App

Now Available on Play Store & App Store (Buymote E-Shopping)

Click Below Link and Install Application: https://buymote.shop/links/0f5993744a9213079a6b53e8

Sponsor Content: #buymote #buymoteeshopping #buymoteonline #buymoteshopping #buymoteapplication"

######################################################